Youth association for social sciences is non-governmental, non-commercial organization. Movement Youth alternative (YA) has been created by students of Tbilisi State University on September of 2004, on the basis of non-governmental organization ‘’Youth association for social sciences”.

სოციალურ მეცნიერებათა ახალგაზრდული ასოციაცია (მოძრაობა ,,ახალგაზრდული ალტერნატივა”), საქართველოს პროფესიული კავშირების გაერთიანებასთან თანამშრომლობით ახორციელებს პროექტს “პროფკავშირების როლი ახალგაზრდებისთვის შრომითი გარემოს გაუმჯობესებაში”.

პროექტის ხანგრძლივობა: 2010 წლის 1 მაისი – 31 ოქტომბერი

ფოკუს ჯგუფი: სოციალურ მეცნიერებათა და იურიდიული ფაკულტეტის სტუდენტები შემდეგი უნივერსიტეტებიდან: ივ. ჯავახიშვილის სახელობის თბილისის სახელმწიფო უნივერსიტეტი, ილიას სახელმწიფო უნივერსიტეტი, საქართველოს უნივერსიტეტი და სხვა დაინტერესებული პირები/ორგანიზაციები.

პროექტის ფარგლებში დაგეგმილია შემდეგი ღონისძიებები:
1. 6 მრგვალი მაგიდის ჩატარება. თემების ჩამონათვალი, თარიღი და ადგილი, იხილეთ დაწვრილებით-ში

ყოველი მრგვალი მაგიდის ჩატარების შემდეგ, მომზადდება ელექტრონული ბიულეტენი, რომელიც გავრცელდება სოციალურ ქსელებში, პროექტის მონაწილეებსა და სხვადასხვა ორგანზიაციებს შორის. ასევე დაიდება ახალგაზრდული ალტერნატივისა და საქართველოს პროფესიული კავშირების გაერთიანების ვებ გვერდებზე.

2. საზაფხულო ბანაკი წაღვერში - 2010 წლის აგვისტოში, პროექტში მონაწილე 25 აქტიური ახალგაზრდა დაესწრება 4 დღიან ბანაკს წაღვერში. ისინი სიღრმისეულად გაეცნობიან ისეთ საკითხებს, როგორიცაა პროფკავშირების მუშაობის სპეციფიკა, მშრომელთა უფლებების დაცვა სასამართლოში და ა.შ. ტრენინგის ერთი დღე დაეთმობა ესეების კონკურსთან დაკავშირებული საკითხების გაცნობას.

3. ესეების კონკურსი სტუდენტებსთვის – სექტემბრის თვეში, პროექტის ფარგლებში გამოცხადდება ესეების კონკურსი სტუდენტებისათვის. 3 საუკეთესო ნაშრომის პრეზენტაცია მოხდება პროექტის დასკვნით კონფერენციაზე და დაიბეჭდება პროექტის შემაჯამებელ ბროშურაში. გამარჯვებულები ასევე სტაჟირებას გაივლიან საქართველოს პროფესიული კავშირების გაერთიანებაში. შემდგომში დასაქმების პერსპექტივით.

4. შემაჯამებელი კონფერენცია – ჩატარდება ოქტომბერში, რომელზეც ახალგაზრდული ალტერნატივის, საქართველოს პროფესიული კავშირების გაერთიანებისა და დონორი ორგანიზაციის წარმომადგენლები, საზოგადოებას წარუდგენენ განხორციელებული აქტივობების შედეგებს.

პროექტი ხორციელდება ფრიდრიხ ებერტის ფონდის მხარდაჭერით

2009 წლის 26 დეკემბერს სამოქალაქო მოძრაობა სოლიდარობამ, ჩვენი საქართველო–თავისუფალ დემოკრატებთან ერთობლივად ჩაატარა ახალგაზრდული კონფერენცია, რომელშიც 300-ზე მეტი ადამიანიმონაწილეობდა . სტუდენტებმა და ახალგაზრდა აქტივისტებმა წარმოადგინეს 5 პრეზენტაცია საქართველოში არსებულ პოლიტიკური, სამოქალაქო, სოციალური და ეკონომიკური საკითხების შესახებ. პრეზენტატორებმა ისაუბრეს არსებუი პრობლემების შესახებ, როგორიცაა მაგალითად, უმაღლესი განათლება და წამოადგინეს საკუთარი ხედვა მათ გადასაწყვეტად. შეხვედრის დასასრულს ,,ჩვენი საქართველო – თავისუფალი დემოკრატების" თავმჯდომარემ ირაკლი ალასანიამ, მიმართა კონფერენიის მონაწილეებს და ხაზი გაუსვა ახალგაზრდების მონაწილეობის მნიშვნელოვან როლს და დაპირდა მათ, რომ გამოსვლების დროს წამოჭრილი საკითხები ჩამოყალიბდება სამოქმედო გეგმებად. კონფერენციაზე წამოიჭრა იდეა, რომ შეიქმნას საინიციატივო ჯგუფები, რომლებიც მოახდენენ აქტივობების კოორდინაციას 2010 წელს.
პროექტი განხორცილდა დემოკრატიისა და სოლიდარობითვის ევროპული ფორუმის მხარდაჭერით.

მცირე ბიზნეს გაფართოებული ფორუმის ორგანიზატორი გახლდათ სამოქალაქო მოძრაობა სოლიდარობა. ფორუმში მონაწილეობას ღებულობდნენ: მცირე მეწარმეები, სამოქალაქო ორგანიზაციები, პოლიტიკური პარტნიორები, ასევე სამთავრობო და საერთაშორისო ორგანიზაციების წარმომადგენლები. სამოქალაქო მოძრაობა სოლიდარობის ხელმძღვანელმა კახა კოხრეიძემ ფორუმი გახსნილად გამოაცხადა, დამსწრე საზოგადოებას გააცნო დღისწესრიგი. ფრიდრიხ ებერტის ფონდის სამხრეთ კავკასიის რეგიონალურმა დირექტორმა მათიას იობელიუსმა (პროექტის მხარდამჭერი) მისასალმებელი სიტყვა წარმოსთქვა და ისაუბრა SME განვითარებასა და ამ კუთხით თანამშრომლობის პოზიტიურ მხარეებზე. სხვა მომხსენებლებმა მოკლე მიმოხილვა გააკეთეს საქართველოში მცირე ბიზნესის განვითარების ხელის შემშლელ ფაქტორებზე და წარმოადგინეს თავიანთი შეხედულებები და გადაწყვეტილებები აღნიშნულ საკითხებზე. კახა კოხრეიძემ შეაფასა უკანასკნელი 2 წლის მანძილზე განხორციელებული აქტივობები და ისაუბრა სამომავლო გეგმებზე. მცირე ბიზნესის ფორუმის დეკლარირება მიჩნეულ იქნა როგორც ძლიერი პოლიტიკური სურვილის დემოსნტრაცია იმისათვის, რომ დაეხმარონ და გააძიერონ შესაბამისი პოლიტიკა საქართველოში.

23 ივლისს სასტუმრო ამბასადორში, არასამთავრობო ორგანიზაცია ,,ახალგაზრდულმა ალტერნატივამ,” და სამოქალაქო მოძრაობა სოლიდარობამ გამართეს პროექტის: ‘‘სოციალური უფლებები სტუდენტებისთვის” დასკვნითი კონფერენცია, სადაც გამოვლენილი საუკეთესო ესეების ავტორებს გადაეცათ სერთიფიკატები და დაჯილდოვდნენ ფულადი პრიზებით. კონკურსი სტუდენტებს შორის ჩატარდა შემდეგ თემაზე: როგორ მესმის სოციალური უფლებები” კონკურსში მონაწილეობა 50-მდე სტუდენტმა მიიღო.პროექტი ხორციელდებოდა ფრიდრიხ ებერტის ფონდის მხარდაჭერით.

10 გამარჯვებული ესე იხილეთ თანდართულ ფაილში